30 январьыште «Марий ушем» мер организаций «Марий чаҥ» газетын 66-шо номержым луктын.
Эрыкан марий савыктыш 1990 ий годсек печатлалтеш, калыкыште яра пуэдалтеш.
Газет эртыше идалыкым иктешлыше «Тӧрлатыме, пашалан пижме» статья дене почылтеш. «Марий ушемым» вуйлатыше Евгений Чашкин, эртыше кече-влакым шергалын, таче пӱсын шогышо йодыш-влакым шында. «Марий ушемыште» шогышо активист-влак! Сита ӧрдыж гыч ончаш! Ушемна пашам ышта. Калык верч пашам ышташ чыла йӧным пуымо. Толза «Марий ушемыш», – сера автор.
Номерыште тыгак Россий Федерацийын Кугыжаныш Думыштыжо марий депутат Р.Баталова, ушемын ик чолга еҥже И.Герасимов нерген лудаш лиеш. «Премий, премий манмет дене» статья лудшо-влакым эртыше идалыкыште Кугыжаныш премийым пуэдыме нерген шонкалаш тарата.
Зоя Глушкова
Налмывер: “Марий Эл” газет
Марий ушем уэш мер пашам шукташ тӱҥалын? Тиде пешак сай! Ала кеч тудо марий калык верч тыршаш тӱҥалеш…
Кече кужемеш, теле кӱчыкемеш, шошо толешак! Кугунрак, “Марий чаҥ!!!”