Суомисе финн-угор ушем лӱмгечыжым палемда

Шукерте огыл финн «Родо-тукым калык-влакын йолташышт» регистрироватлыме объединенилан — Sukukansojen ystävät ry 25 ий темме идалыкым почыныт. Тидын нерген ушемын чолгаеҥже Эза-Юсси Салминен Facebook мервотышто увертара.

Таллинныште чуваш-марий концерт эрта

Эстонийын рӱдолаштыже ага тылзын 7-ше кечынже чуваш да марий коллектив-влак шке мастарлыкыштым ончыктат. Тидын нерген концертым эртарыше-влак Facebook мервотышто увертарат.

Эстон-влак акрет пайремыштым палемдат

Чийӱлам кучен шогышо родына-влак ага тылзын 19-ше кечынже йӱдвел-эрвел Эстонийыште Кеҥеж пайремыштым — suvistepüha палемдат.

Финляндийыште Евсеевым шарналтат

Ага тылзын 3-шо кечынже Хельсинки олаште Андрей Огородниковын «Евсеев: Признание ценою в жизнь» чынилыш фильмжым ончыктат. Тимофей Евсеев да марий-влак нерген ойлат.

Финн ушем Талешке кече дене саламла

Финн чийӱлам кучен шогышо-влак Taivaannaula ушем вуйлатыше Патрик О’Роуркын Талешке кече дене марла саламлымашыже.

Талешке кечым йот эллаштат палемдат

Вӱдшор тылзын 26-шо кечынже Марий талешке кече лиеш. Геройна-влакым Эстоний да Финляндийыштат шрналтат.

Марий сем Таллинн фестивальыште йоҥген

Вӱдшор тылзын 4-ше кечынже марий-влак Tallinn Music Week фестиваль кышкарыште эртыше Fenno-Ugria Night касыште выступатленыт.

Марий-влак тӱнямбалсе фестивальыште мурат

Вӱдшор тылзын 3–7-ше кечылаштыже Эстонийыште Tallinn Music Week тӱнямбал кӱкшытан фестиваль эрта. Тудын кышкарыште Таллинн марий-влакат шке мастарлыкыштым ончыктат.

Эстон посёлкышто марий-влак нерген ойленыт

Ӱярня тылзын 23-шо кечынже «Таллинн марий ушемын» чолгаеҥже-влак Эстоний Йыгевамаа уезд Лохусуу кугыялын яра жапым эртарыме рӱдерыштыже Марий тӱвыра касым эртареныт.

Изи гармоньчо-влакым ончыза

Пургыж тылзын 24-ше кечынже Марий Элыште «Изи гармоньчо» таҥасымаш эртен. Конкурс гыч видеом Марий тӱвыра рӱдер темла.